Sabah avrokuboklarda qrup mərhələsi start götürəcək.
Apasport.az saytının məlumatına görə, əsas raunddakı yeganə Azərbaycan klubu “Qarabağ” Avropa Liqasında mübarizəyə başlayacaq.
Cəmi üç gündən sonra Almaniyada “Frayburq”un qonağı olacaq Qurban Qurbanovun yetirmələri tarixinin 9-cu startını gerçəkləşdirəcək. İndiyədək 6 dəfə Avropa Liqasında oynayan Ağdam klubu 2017-ci ildə Çempionlar Liqasının, 2021-ci ildə Konfrans Liqasının qrupunda qüvvəsini sınayıb.
Əvvəlki 8 starta nəzər salsaq, “Qarabağ” heç vaxt qələbə ilə başlamayıb. Cəmi üç heç-heçə əldə edən komanda 5 dəfə qrupa xalsız start verib.
Son 5 ildə isə ilk görüşdə qol da vurmaq mümkün olmayıb. Ümumiyyətlə start matçlarında 3 qol vuran “Qarabağ” 17-ni buraxıb.
18.09.2014. “Qarabağ” – “Sent-Etyenn” – 0:0
17.09.2015. “Tottenhem” – “Qarabağ” – 3:1
15.09.2016. “Qarabağ” – “Slovan” – 2:2
12.09.2017. “Çelsi” – “Qarabağ” – 6:0
20.09.2018. “Sportinq” – “Qarabağ” – 2:0
19.09.2019. “Qarabağ” – “Sevilya” – 0:3
22.10.2020. “Makkabi” T-Ə – “Qarabağ” – 1:0
16.09.2021. “Qarabağ” - “Bazel” – 0:0
Oxşar xəbərlər
Ana səhifə
Bütün xəbərlər
Hesabım