Futzal üzrə DÇ-2024-ün elit-raund mərhələsində sentyabrın 15-də səfərdə Rumıniya, 5 gün sonra Bakıda Niderland yığması ilə qarşılaşacaq Azərbaycan millisinin təlim-məşq toplanışı başlayıb. 

Federasiyadan apasport.az saytına verilən məlumata görə, bu gün və sabah Bakıda hazırlıq keçəcək futzalçılarımız sentyabrın 13-də Bakı-İstanbul-Buxarest hava reysi ilə səfərə yollanacaq. 

İki gün oyunun keçiriləcəyi Buzau şəhərindəki “Romeo lamadi” arenada məşq edəcək komandamız matçın ertəsi gün Bakıya dönəcək. 

Sentyabrın 17-dən 20-dək hazırlığını Bakı İdman Sarayında reallaşdıracaq millinin baş məşqçisi Vitali Borisov təlim-məşq toplanışına bu futzalçıları dəvət edib: 

Qapıçılar: Emin Kürdov (“Araz-Naxçıvan”), Rövşən Hüseynli (“Atırau” Qazaxıstan)
Oyunçular: Xətai Bağırov, Amadeu, İsa Atayev, Felipinyo, Xəzər Ağalızadə, Novruz Kazıxanov (hamısı “Araz-Naxçıvan”), Hadi Ahmadi (“Aktobe” Qazaxıstan), Amir Şocaei (“Neftçi” İK), Everton Kardoso “Qallo” (“Manzanares” İspaniya), Rafael Vilela, Eduardo Borges (hər ikisi RSCA Belçika), Oktay Rüstəmli (“Baku Fire”)

Qeyd edək ki, sentyabrın 15-də Rumıniya yığmasının qonağı olacaq Azərbaycan millisi beş gün sonra evdə Niderlandla oynayacaq.

• Estoniya yığmasının millimizlə oyun üçün heyəti müəyyənləşib
• Sənanın kuponu
• “Zirə” rəhbərliyindən komandaya dəstək
• Yığmanın məşqçisi Mahir Emrelidən narahatdır - SƏBƏB
• İrlandiya kuponu