Almaniya millisinin və “Real”ın futbolçusu Antonio Rudiger DÇ-2022-nin favoritini açıqlayıb.

Apasport.az saytının məlumatına görə, təcrübəli müdafiəçi Bundestimi çempionluğa əsas namizəd saymır.

O, indiki heyətin 8 il əvvəl çempion olan komandadan geri qaldığı qənaətindədir: “Almaniya həmişə turnirlərdə qələbəyə iddiaçı sayılır. Amma son aylardakı oyunumuza baxsaq, yəqin çempionluğumuz sürpriz olacaq. Son vaxtlar öz oyunumuzu tapa bilmirik. Hesab edirəm ki, indi Braziliya daha yaxşı formadadır. 2014-cü ildə Almaniya millisində Toni Kroos, Mario Gotze, Filip Lam, Bastian Şvaynştayger kimi adamlar var idi. İndi də yaxşı futbolçu nəsli var”.

Qeyd edək ki, Almaniya DÇ-2022-nin qrup mərhələsində İspaniya, Kosta-Rika və Yaponiya ilə mübarizə aparacaq.
 

• Kristian Avram: "Baş məşqçi dəyişikliyi komandaya çox yaxşı təsir etdi" - Müsahibə
• "Zirə"nin rəqibi Bakıya çatıb
• Güləşçilərimiz Bolqarıstanı 4 medalla tərk edir
• "Beşiktaş"da yeni futbolçu
• Qvardiola: “7:0 hesabı ilə qalib gəlməyə üstünlük verirəm”