“Braziliyalı olduğum üçün öz ölkəmin milli komandasına azarkeşlik edəcəm”.

Bunu apasport.az saytına açıqlamasında “Qarabağ”ın yarımmüdafiəçisi Julio Romao noyabrın 20-də Qətərdə keçiriləcək dünya çempionatı barədə danışarkən deyib.

24 yaşlı braziliyalı orta sahə oyunçusu mundialda doğma komandalarına azarkeşlik edəcəyini söyləyib: “Dünya çempionatı zamanı Braziliyanın bütün oyunlarında uğur qazanması üçün dua edəcəyəm. Həyəcanla millimizin matçlarını gözləyirəm. Təbii ki, favoritim də öz komandamızdır. Hesab edirəm ki, Braziliya yığması bu il, nəhayət ki, dünya çempionu ola biləcək”.

Qeyd edək ki, Braziliya yığması mundialın G qrupunda Serbiya, İsveçrə və Kamerunla mübarizə aparacaq. “Pentakampeonlar” ilk oyununu noyabrın 24-də Serbiyaya qarşı keçirəcək.

• Peter Ademo: "Əlimizdən gələni edəcəyik ki, növbəti mərhələyə çıxaq"
• Tural Qurbanov II Liqada
• Toni Kroos Kimdir? Alman Futbolunun Maestrosu
• Sudamerikana kuponu
• “Sabah”ın cavab oyununa hakim təyinatları açıqlanıb