Bukmeker kontorlarında növbəti diqqətçəkən uduş qeydə alınıb.
Apasport.az saytının məlumatına görə, DÇ-2022 daha bir proqnozsevərin şok təxmini reallaşdırıb.
İngiltərənin Mançester şəhərində yaşayan Ma Yuankuy Almaniya – Yaponiya görüşündə sevinib. 40 yaşlı proqnozsevər bu matça 50 funt sterlinq oyub.
O, Almaniyanın 1-ci hissədə, Yaponiyanın isə oyunda qalib gələcəyinə mərc edib. Bu variantın əmsalı 50-yə bərabər olub.
Matç onun istədiyi kimi alınıb. Almaniya ilk yarıda hesabı açsa da, fasilədən sonra iki top vuran asiyalılar 2:1 hesablı qələbə qazanıb. İki uşaq atası olan better bu qarşılaşmadan 2500 funt uduşa sahib çıxıb.
Oyunu dostları ilə birlikdə izləyən Yuankuy yalnız DÇ-2022-nin startından bukmeker kontorlarına getməyə başladığını etiraf edib. O, şok nəticəni tapmasının səbəbini də açıqlayıb: “Mən həmişə Asiya komandalarını seçirəm. Yaponiyanın qalib gələcəyini həqiqətən də düşünürdüm. Mən haqlı çıxdım. Səudiyyə Ərəbistanının bundan bir gün əvvəlki oyununu da çox bəyəndim. Amma həmin qarşılaşmaya pul qoymamışdım. DÇ-nin startından proqnoz verməyə başlasam da, İngiltərə və Fransanın matçlarında uduşa sahib çıxmışam. Amma Polşa və Danimarka da təxminim düz gəlməyib”.
Ma uduşunu fantastika hesab edir: “2500 funt sterlinq udmaq fantastikadır. Hələ bu barədə Kanadada yaşayan ailəmə deməmişəm. Mən burada İngiltərədə icraçı direktor kimi işləyirəm. Həyat yoldaşım da çox sevinəcək”.
Oxşar xəbərlər
Ana səhifə
Bütün xəbərlər
Hesabım