Portuqaliya yığmasının hücumçusu Kriştianu Ronaldo Qətərdə keçirilən dünya çempionatının 1/8 finalında İsveçrə ilə oyun üçün start heyətində yer almayıb.

Apasport.az xəbər verir ki, 37 yaşlı portuqaliyalı 2008-ci ildən bəri ilk dəfə 11-liyə düşə bilməyib. Maraqlıdır ki, həmin matç da İsveçrə ilə oyun olub.

Belə ki, o, 2008-ci ildə keçirilmiş Avropa çempionatında meydan sahiblərindən biri olan İsveçrə ilə qrup mərhələsinin III tur matçında sonadək ehtiyatda oturub. Həmin matçadək 1/4 finala vəsiqəni təmin etmiş portəkizlər formal matçda 0:2 hesabı ilə uduzub. Maraqlıdır ki, hər 2 qolu indi İsveçrə millisinin baş məşqçisi olan Murat Yakının qardaşı Hakan Yakın vurmuşdu.

Ümumiyyətlə, Kriştianu Ronaldo indiyədək ardıcıl 31 dünya çempionatı və Avropa çempionatı matçında meydana start 11-likdə çıxmışdı.

Qeyd edək ki, Portuqaliya – İsveçrə oyununun qalibi 1/4 finalda Mərakeşlə oynayacaq.

• “Bayer” PSJ-nin futbolçusunu istəyir
• 50 milyonluq belçikalı
• "Neftçi"nin 3 oyunçusu "Səbail"lə oyunu buraxacaq
• “Qarabağ” 11-ci dəfə ölkə çempionu oldu - YENİLƏNİB
• Çempionlar Liqasının yarımfinalının ən dəyərli "11-liyi"