Paris-2024 Yay Olimpiya Oyunları davam edir.
Apasport.az xəbər verir ki, bu gün Azərbaycan millisinin daha beş idmançısı mübarizəyə qoşulub, biri ikinci görüşünə çıxıb.
Yığmamız Fransa paytaxtına ümumilikdə 48 idmançı ilə yollanıb. Ölkəmiz 15 növ üzrə 17 proqramda təmsil olunur.
İdmançılarımızdan 14-ü artıq Olimpiadaya start verib. Onlardan cüdoçu Hidayət Heydərov (73 kq) Fransa paytaxtında çempion olmaqla Azərbaycan himnini səsləndirib.
Digər milli üzvlərindən 8-i Paris-2024-lə vidalaşıb, 4-ü mübarizəsini davam etdirir. İki proqramda çıxış edəcək Ruslan Lunyov isə növbəti sınağı gözləyir.
25 iyul
Yaylagül Ramazanova (kamandan oxatma) – sıralama turunda 39-cu yer, 1/32 finalda iştirak edəcək
27 iyul
Keişa Fatimə Zəhra (badminton) – qrup mərhələsində 1 məğlubiyyət
Leyla Əliyeva (cüdo, 48 kq) – 1/16 finalda məğlubiyyət
Diana Dımçenko (akademik avarçəkmə, 2000 m) – təsnifatda qrupda 3-cü yer, 1/4 finala adlayıb
Ruslan Lunyov (güllə atıcılığı, pnevmatik tapança, 10 m) – təsnifatda 24-cü yer
Balabəy Ağayev (cüdo, 60 kq) – 1/8 finalda məğlubiyyət
28 iyul
Yaşar Nəcəfov (cüdo, 66 kq) – 1/16 finalda məğlubiyyət
Gültac Məmmədəliyeva (cüdo, 52 kq) – 1/16 finalda məğlubiyyət
Alfonso Dominqes (boks, 92 kq) – 1/4 finala yüksəlib
29 iyul
Keişa Fatimə Zəhra (badminton) – qrup mərhələsində 2 məğlubiyyət
Hidayət Heydərov (cüdo, 73 kq) – qızıl medal qazanıb
Anna Başta (qılıncoynatma, sablya) – 1/8 finalda məğlubiyyət
Məhəmməd Abdullayev (boks, +92 kq) – 1/8 finalda məğlubiyyət
Edi Reski Dviçayo (badminton) – qrup mərhələsində 1 qələbə
Malik Həsənov (boks, 63,5 kq) – 1/8 finalda məğlubiyyət
Qeyd edək ki, Olimpiada avqustun 11-də yekunlaşacaq.
Oxşar xəbərlər
Ana səhifə
Bütün xəbərlər
Hesabım