Azərbaycan avarçəkəni Diana Dımçenko Polşanın Qdansk şəhərində keçirilən sahil avarçəkməsi və “beach sprint” üzrə Avropa çempionatında qızıl medal qazanıb.

Azərbaycan Kanoe və Avarçəkmə Federasiyasından apasport.az-a verilən məlumata görə, milli komandanın lideri bir nəfərlik qayıqda təsnifat mərhələsində finişə birinci çataraq A finalında iştirak hüququ əldə edib.

Finalda 5-ci sırada mübarizə aparan idmançı İrlandiyadan olan Dukarska Monikanı və finlandiyalı Karpinen Eavanı geridə qoyaraq fəxri kürsünün birinci pilləsinə yüksəlib.

İki nəfərlik qayıqda Murad Sadıqov-Boqdan Qladçenko cütlüyü də A finalında mübarizə aparıb və yekunda 6-cı yeri tutub.

• “Barselona”nın qapıçısı əməliyyat olundu
• Sahil Babayev Naxçıvanda boksun inkişafı üçün müzakirələr apardı
• “Beşiktaş” 11-ci dəfə Türkiyə Kubokunu qazandı - YENİLƏNİB
• “Atletiko”nun prezidentindən Simeone ilə bağlı açıqlama
• Günün KUPONU