Voleybol üzrə Azərbaycan çempionatının bir oyunu təxirə salınıb.

Apasport.az xəbər verir ki, bunu Azərbaycan Voleybol Federasiyasının (AVF) mətbuat xidməti açıqlayıb.

Kişi voleybolçulardan ibarət “Xarı Bülbül Şuşa” klubu AVF-ə müraciət ünvanlayıb. Müraciət bu gün Yüksək Liqa çərçivəsində keçirilməsi nəzərdə tutulan oyunun təxirə salınması ilə bağlıdır. “Xarı Bülbül Şuşa” klubu Çağırış kubokunun 1/16 final mərhələsi çərçivəsində noyabrın 29-da Yunanıstanın “Panathinaikos ATHENS” kollektivinə qarşı cavab matçına çıxacaq. 

“Xarı Bülbül Şuşa”nın bu oyuna səmərəli hazırlaşa bilməsi üçün noyabrın 23-də Azərbaycan çempionatında keçirilməsi nəzərdə tutulan “Xarı Bülbül Şuşa” - “Xarı Bülbül Laçın” matçının təxirə salınması xahiş olunub. AVF daxil olmuş müraciəti nəzərə alaraq, noyabrın 23-ə planlaşdırılan  “Xarı Bülbül Şuşa” - “Xarı Bülbül Laçın” matçının təxirə salınması ilə bağlı qərar qəbul edib. 

Beləliklə, bu gün Yüksək Liqada yalnız bir qarşılaşma baş tutacaq. Saat 19:00-da “AZERRAIL” - “Murov Az Terminal” komandaları üz-üzə gələcəklər. Bu oyun “CBC sport” kanalı vasitəsilə canlı yayımlanacaq.

Qeyd edək ki, təxirə salınan “Xarı Bülbül Şuşa” - “Xarı Bülbül Laçın” matçının keçiriləcəyi tarix hələ dəqiqləşməyib.
 

• Villian Premyer Liqaya qayıdır
• “Trabzonspor” cinah oyunçusu ilə yollarını ayırır
• Xabi Alonso: "Rəqibdən qorxmuram, amma..."
• Premyer Liqada ilk turun oyun cədvəli açıqlandı
• Ərəb KUPONU