Voleybol yığmalarının FİVB reytinqi açıqlanıb.

Apasport.az saytının məlumatına görə, Azərbaycan milli komandalarının da mövqeyi bəlli olub.

Qadınlardan ibarət millimiz 103,38 xalla dünyanın 38-ci komandasıdır. Yığmamız cədvəldəki mövqeyini qoruyub.

Qadın komandaların cədvəlində lider dəyişikliyi olub. Finalda ABŞ yığmasına 3:1 hesabı ilə qalib gələn Türkiyə yığması tarixində ilk dəfə Millətlər Liqasının çempionu olub. Bu uğur “ay-ulduzlular”ı zirvəyə daşıyıb – 365,64 xal. ABŞ (358,45) ikinci sıraya enibsə, İtaliya (354,41) üçüncülüyünü qoruyub.

Kişilərdən ibarət komandamız 83,33 xalla planetin 46-cısıdır. Voleybolçularımız mövqeyini qoruyub.

İlk “üçlük” də dəyişməz qalıb. Polşa (389,75), İtaliya (370,01) və ABŞ (368,79) ön sıralarda qərarlaşıb.

• Azərbaycan birinciliyinin komanda yarışları keçirilir
• “Nant”ın baş məşqçisi: “Qarabağ”a “bravo”!
• Arda Turana həbs CƏZASI
• "Yuventus" ukraynalı hücumçunu almaq istəyir
• Neymar Pelenin rekordunu qırdı