A seriyasına yüksəldilər

02.05.2023 - 10:39

İtaliya A seriyasına vəsiqə qazanan ilk klub bəlli olub.

Apasport.az saytı xəbər verir ki, 35 matçdan 71 xal toplayan "Frozinone" vaxtından əvvəl yüksək liqaya vəsiqəni təmin edib.

Tarixində üçüncü dəfə A seriyasına qalxan komanda buna hesabat turunda "Recina"ya 3:1 hesabı ilə qalib gəlməklə nail olub.

İtaliyanın tanınmış veteran futbolçularından olan Fabio Qrossonun rəhbərlik etdiyi “Frozinone” sona 3 tur qalmış ən az ikinci yeri özü üçün təmin edib. Reqlamentə əsasən, turnir cədvəlinin ilk iki pilləsində yer alan komandalar birbaşa A seriyasına vəsiqə qazanır.

Qeyd edək ki, “Frozinone” 2018/2019 mövsümündə A seriyasında 19-cu olaraq B seriyasına düşüb.