“Mançester Yunayted” Niderland millisinin hücumçusu Vaut Vexorstu transfer etməyə yaxındır.

Apasport.az xəbər verir ki, qeyri-adi cərimə zərbəsindən sonra Argentina ilə oyunda qol vurması və Lionel Messi tərəfindən təhqirlərə məruz qalması ilə yadda qalan 30 yaşlı Vexorst "Börnli"nin Premyer Liqadan düşməsindən sonra "Beşiktaş"a icarəyə verilib. Onun "Kasımpaşa" ilə matçdan (2:1) sonra azarkeşlərlə vidalaşdığı bildirilir.

"Mançester Yunayted”in baş məşqçisi Erik ten Hax Vexorstun istedadını yüksək qiymətləndirir. Niderlandlı futbolçunun icarə əsasında “Mançester Yunayted”ə keçməsi gözlənilir ki, bu da demək olar ki, klublar tərəfindən razılaşdırılıb.

Qeyd edək ki, Vaut Vexorst cari mövsüm "Beşiktaş"ın heyətində 17 oyuna çıxıb, 8 qol vurub və 4 məhsuldar ötürmə verib.

• İspaniyalı hücumçu “Barselona”nı tərk edə bilər
• "Bavariya" keçmiş futbolçusunu komandanın başına gətirmək istəyir
• Gimnastlarımız İtaliyada 6 qızıl medal qazanıblar
• Çempionlar Liqasının əsas mərhələsinin topu təqdim edilib
• "Qarabağ" son dəqiqələrdə buraxdığı qolla məğlub oldu - YENİLƏNİB