Çeferinin kreslo sevgisi

11.12.2023 - 17:56

Aleksander Çeferin UEFA prezidenti postunda uzun müddət qalmağı planlaşdırır.

Apasport.az xəbər verir ki, 2016-cı ildən qitə futbol qurumuna rəhbərlik edən 56 yaşlı Çeferinin səlahiyyət müddəti 2027-ci ildə bitəcək.

Qaydalara əsasən bir nəfər yalnız 3 seçkidə sözügedən vəzifəni icra edə bilər. 2019 və 2023-cü illərdə təkrar bu posta seçilmiş futbol funksioneri qurumdakı səlahiyyətlərini davam etdirmək üçün qanunlarda düzəlişlər etməyi təklif edib.

Məlumatda UEFA üzvlərinin 2024-cü il fevralın 8-də Parisdə keçiriləcək konqresdə bu məsləni müzakirə edəcəyi və dəyişikliklər üçün səsvermə keçiriləcəyi bildirilir.