"Fənərbaxça" çempionluq yarışında ağır zərbə aldı

22.04.2024 - 23:14

Futbol üzrə Türkiyə Superliqasının 33-cü turuna yekun vurulub.

Apasportun xəbərinə görə, turun son oyun günündə "Fənərbaxça" səfərdə "Sivasspor"la qarşılaşıb.

Çempionluq yolunda kritik sayılan matçda qalib müəyyənləşməyib: 2:2.

"Fənərbaxça" son dəqiqələrə 2:1 üstünlüklə girsə də, 90+4-cü dəqiqədə "Sivasspor" penalti zərbəsini qola çevirməklə 1 xal qazanıb.

Beləliklə, çempionluq yarışında vacib 2 xal itirən "sarı-lacivərdlilər" lider "Qalatasaray"ın 4 xal gerisinə düşüb.

Qeyd edək ki, "Fənərbaxça"nı növbəti tur, yəni, aprelin 27-si "Beşiktaş"la derbi matçı gözləyir.

Lider "Qalatasaray" isə aprelin 26-sı Adana səfərinə yollanacaq. "Sarı-qırmızılılar" "Adana Demirspor"un qonağı olacaq.

Əlirza Əlirzalı

0 0