Super Liqa təmsilçilərindən "Fənərbaxça" Joze Mourinyonun rəhbərliyi altında yeni mövsümün hazırlıqlarına start verib.

Apasport.az xəbər verir ki, İstanbul nəhəngi La Liqa təmsilçilərindən "Sevilya"nın futbolçusu Yusuf En-Nesrini transfer etmək istəyir. 

Türkiyəli insayder Yağız Sabuncuoğlunun sözlərinə görə, "Fənərbaxça"nın idman direktoru Mario Branko 27 yaşlı hücumçunun transferi üçün rəsmi danışıqlara başlayıb. 

Yusuf En-Nesri Joze Mourinyonun transfer etmək istədiyi mərkəz hücumçuları siyahısına başçılıq edir. İstanbul klubu yaxın günlərdə keçidi başa çatdırmağı hədəfləyir. 

Mərakeşli futbolçu 2020-ci ilin yanvarından "Sevilya"da forma geyinir. O daha öncə "Malaqa" və "Leqanes" kimi klublarda çıxış edib. 

Hücumçu bu mövsüm "Sevilya"nın heyətində 41 matça çıxıb, 20 qol və 3 məhsuldar ötürmə ilə yadda qalıb. Yusuf 2019/2020 və 2022/2023 mövsümlərində "Sevilya" ilə Avropa Liqasını qazanıb. 

Qeyd edək ki, "Fənərbaxça" bu mövsüm "Fatih Karagümrük"də çıxış edən Levent Mercanla 4 illik müqavilə bağlayıb. Kapitan Mert Hakanla 2 illik müqavilə uzadan klub eyni zamanda Çağlar Söyüncünün transfer hüququnu "Atletiko Madrid"dən alıb. 

• “Leypsiq”in Qvardiol qərarı
• "Araz-Naxçıvan"ın sabiq baş məşqçisi vəfat edib
• Kaxaber Tsxadadze "Qəbələ"də qaldı - Yeni müqavilə
• Futbol kuponu
• Xavi Kristensenin durumuna aydınlıq gətirdi