Səudiyyə Ərəbistanı klublarından “Əl-Nəsr” “Fənərbaxça”nın forvardı Yusuf En-Nesri üçün astronomik təklif edib.

Apasport.az Türkiyə mediasına istinadən xəbər verir ki, “Əl-Nəsr” 27 yaşlı hücumçu üçün 30 milyon avronu gözdən çıxarıb.

Xəbərdə bildirilib ki, “sarı-lacivərdlilər” bu təklifi rədd edib.

Buna səbəb son vaxtlar En-Nesrinin Mərakeş millisində və “Fənərbaxça”da ardıcıl qollar vurmağa başlamasıdır. 

Qeyd edək ki, mərakeşli hucümçu bu ilin yay ayında İspaniyanın “Sevilya” klubundan 19,5 milyon avroya İstanbul təmsilçisinə transfer olunmuşdu.

• Patoya yeni təklif
• Boksçularımız Millətlər kubokunda mübarizə aparacaq
• I Liqa: VIII turun oyun cədvəli
• "Mançester Yunayted" yeni müqavilə arzusunda
• "Qalatasaray"ın yeni transferi zədələndi