Superliqa təmsilçilərindən "Fənərbaxça"nın 2022-ci ildə "Kalyari"dən heyətinə qatdığı, lakin gözlənilən performansı ala bilmədiyi üçün ötən yay icarə əsasında "Qremio"ya göndərdiyi Joao Pedrodan heç bir xəbərin olmadığı iddia edilib.

Apasport.az "Sabah"a istinadla xəbər verir ki, "sarı-lacivərdlilər"in Braziliya əsilli italyan futbolçu ilə əlaqəsi kəsilib.

32 yaşlı hücumçu ilə yeni mövsümdən etibarən əlaqə saxlamaq mümkün olmayıb.

İyulun 31-də “Qremio” ilə icarə müqaviləsi bitən Pedro “Fənərbaxça”ya qayıtmayıb və harada olduğu bilinmir.

Klub rəhbərliyi meneceri ilə əlaqə saxlayaraq futbolçunun vəziyyətini soruşduqda, onun menecerinin də Pedro ilə görüşə bilmədiyi məlum olub.

Belə ki, Joao daha əvvəl menecerinə zəng edərək, onunla yollarını ayırdığını bildirib.

"Fənərbaxça" hücumçunun vəziyyəti ilə bağlı hüquqi prosesə başlayacaq. 

• Elxan Abdullayev: "Bura elə-belə gəlməmişik"
• Vitor Pereyra istefaya göndərildi
• Peres Ançelottidən sonrakı məşqçini seçib
• Qnabrinin əli sındı
• Peres “Barselona”nın transferi haqda: “Əla seçimdir”