Morata “Çelsi”nin ehtiyat variantına çevrildi

23.08.2022 - 23:07

İspaniya millisinin və “Atletiko”nun futbolçusu Alvaro Morata karyerasını İngiltərədə davam etdirə bilər.

Apasport.az saytının məlumatına görə, hücumçunun bir müddət oynadığı “Çelsi”yə qayıdacağı gözlənilir.

İngiltərə təmsilçisi Morataya ehtiyat variant kimi baxır. Pyer-Emerik Obameyanqın “Barselona”dan keçidi baş tutmasa, londonluların hədəfinə Alvaro düşəcək.

“Çelsi” 2017-ci ildə “Real”dan 66 milyon avroya transfer edib. 72 matçda 24 qol vuran forvard 3 ildən sonra 35 milyon avro qarşılığında “Atletiko”ya satılıb.

Qeyd edək ki, Moratanın madridlilərlə müqaviləsi 2024-cü ilin yayında başa çatacaq.