“Qalatasaray”ın futbolçusu Tanquy Ndombele insidentə səbəb olub.

Apasport.az xəbər verir ki, İstanbul klubunun “Tottenhem”dən icarəyə götürdüyü 26 yaşlı yarımmüdafiəçi baş məşqçi Okan Burukun qəzəbinə tuş gəlib.

Məsələ burasındadır ki, “sarı-qırmızı”lı klubun son turda “Rizəspor”la matçından öncə fransız futbolçu komandanın qaldığı otelə qamburger sifariş edib. Onsuz da artıq çəki problemi yaşayan futbolçunun bu hərəkətini Okan Buruk etirazla qarşılayıb. Məşqçiyə cavab qaytardığı iddia olunan Ndombelenin hətta onunla mübahisə etdiyi də bildirilir. İcarə müqaviləsi mövsümün sonuna qədər nəzərdə tutulan və illik 3,1 milyon avro maaş alan oyunçunun qışda göndəriləcəyi bildirilir.

Qeyd edək ki, bu mövsüm Türkiyə Super Liqasında 4 matçda 93 dəqiqə meydanda olan Ndombele Çempionlar Liqasının 3 matçında isə cəmi 30 dəqiqə meydanda olub.

• "Qarabağ" mövsümü "qızıl dubl"la bitirdi - YENİLƏNİB
• Avropa klublarının reytinq cədvəli: İlk 20-də türk klubu
• Premyer Liqa oyunu yenidən keçiriləcək
• Nərd yarışının qalibləri müəyyənləşib
• "Fənərbaxça"da eyni anda 2 ayrılıq