Braziliya millisinin futbolçusu Neymar DÇ-2022-də ilk qolunu vurub.

Apasport.az saytının məlumatına görə, ulduz hücumçu 1/8 final mərhələsinin Cənubi Koreya ilə matçında fərqlənib.

Bu, Neymarın qol vurduğu üçüncü mundialdır. O, DÇ-2014 və DÇ-2018-də də rəqib qapılarına yol tapıb.

Neymar Braziliya yığmasının heyətində ən azı üç dünya çempionatında qol vuran üçüncü futbolçu kimi tarixə düşüb. Onadək Pele və Ronaldo bunu bacarıb.

Pele 4 mundialda qol sevinci yaşayıb. Futbol kralı 1958, 1962, 1966 və 1970-ci ilərdə buna nail olub. Ronaldo isə 1998, 2002 və 2006-cı illərdə qol vurub.

Qeyd edək ki, Braziliya Cənubi Koreyanı 4:1 hesabı ilə məğlub edib.
 

• “Neftçi” Kvirkveliyanın müqavilə detallarını açıqladı
• Yeqor Titovun Superkubok PROQNOZu
• “Qarabağ” fransalı futbolçu ilə yolları ayırdı
• “Marsel” - “Lion” oyununun vaxtı dəqiqləşdi
• “Neftçi” Yusuf Lavalı Portuqaliya klubuna satır