Qrosso “Lion”a məşqçi kimi dönə bilər

14.09.2023 - 00:13

İtaliyalı mütəxəssis Fabio Qrosso “Lion”dan təklif alıb.

Apasport.az saytı xəbər verir ki, tərəflər ilkin danışıqlara start veriblər.

45 yaşlı məşqçiyə 2025-ci ilədək müqavilə təklif olunub. Qrosso İtaliyada “Bari”, “Verona”, “Breşiya”, “Frozinone” və İsveçrədə “Syon” klublarına başçılıq edib. O, “Lion”a yad sima deyil. Fabio 2007-2009-cu illərdə komandanın şərəfini qoruyub.

Qeyd edək ki, Fransa çempionatına uğursuz start götürən “Lion” cəmi bir xal toplayaraq, sonuncu pillədə qərarlaşıb. Bu nəticələrdən sonra baş məşqçi Loran Blan istefaya göndərilib.