Madrid “Real”ı Erlinq Haalandın mümkün transferini araşdırmağa başlayıb.

Apasport.az xəbər verir ki, “kral klubu” norveçli hücumçunun “Mançester Siti” ilə müqaviləsində yer alan satın alma variantını aktivləşdirə bilər.

23 yaşlı forvardın ingilislərlə razılaşmasında futbolçunu 200 milyon avroya almaq hüququ ilə bağlı bənd olduğu bildirilir. İspanlar da məhz bu məbləği ödəyərək Erlinqi komandaya gətirməyi planlaşdırır.

Qeyd edək ki, bu mövsüm “şəhərlilər”in forması ilə 17 matça çıxan Haaland 15 qol və 3 məhsuldar ötürmə ilə yadda qalıb.

• “Kəpəz” darmadağın oldu, "Qarabağ"dan səfər qələbəsi - YENİLƏNİB
• Emin İmaməliyev: "Qarabağ" pley-offu da keçər"
• Jurnalistlərin “Qarabağ”ın oyunu ilə bağlı proqnozu – 2-10-8
• İki qadın güləşçimiz Avropa çempionatının finalında!
• “Qarabağ” darmadağınla növbəti mərhələdə!!! - YENİLƏNİB