Salah Premyer Liqa tarixinə düşdü

24.12.2023 - 13:14

Məhəmməd Salah daha bir uğurlu statistikaya imza atıb.

Apasport.az xəbər verir ki, "Liverpul"un hücumçusu
İngiltərə Premyer Liqası tarixinin ən yaxşı 10 bombardiri sırasına daxil olub.

31 yaşlı forvard çempionatın 18-ci turunda "Arsenal"la oyunda (1:1) komandasının bərabərlik qolunu vurub.
Misirli oyunçu bununla da İngiltərə çempionatında 151-ci qolunu vuraraq, Premyer Liqanın ən sərrast hücumçuları sırasında 10-cu pilləyə yüksəlib. Bu göstəriciyə görə o, Maykl Oueni ötüb.

Qeyd edək ki, siyahıya 260 qolla əfsanəvi Alan Şirer başçılıq edir.