“Çelsi”nin yarımmüdafiəçisi Hakim Ziyeş komandasını dəyişmək fikrinə düşüb.

Apasport.az saytının məlumatına görə, mərakeşli futbolçu İtaliyaya köçməyin tərəfdarıdır.

London klubunda əsas heyətə düşməkdə çətinlik çəkən 29 yaşlı hücumameyilli oyunçu karyerasını “Milan”da davam etdirmək arzusundadır. Futbolçu özü bu barədə A seriyasının çempionunu xəbərdar da edib və “Milan” dərhal ingilislərlə danışığa başlayıb.

Ziyeşin “Milan” üçün də prioritet olması bu transferin reallaşmaq ehtimalını artırır. Onun “rossonyerlər”ə icarə əsasında keçidi müzakirə olunur.

Qeyd edək ki, Hakim Ziyeşin “Çelsi” ilə müqaviləsi 2025-ci ilin yayına qədərdir.
 

• Qollu KUPON
• İtaliya çempionatı: "Milan"dan darmadağın
• Millimiz Serbiyaya məğlub oldu - YENİLƏNİB
• Azərbaycan Kuboku: II təsnifat mərhələsinə yekun vurulub
• AFFA “İrəvan”ın şikayətinə baxdı