“Ötən il İsveçi 3:0 hesabı ilə məğlub etmişdik. Həmin vaxt qol imkanlarından istifadə etməyi bacarmışdıq”.

Bu sözləri apasport.az saytına açıqlamasında Bəhlul Mustafazadə deyib.

Azərbaycan yığma komandasının müdafiəçisi Millətlər Liqasının İsveçlə matçı (1:3) haqda danışıb:

“Bu dəfə qol şanslarımızı dəyərləndirə bilmədik. Hardasa üzərimizdə olan təzyiq də təsirsiz ötüşmədi. Qollar buraxdıq, sonda da uduzduq. Məğlubiyyət üzücü oldu. Halbuki epizodlardan yararlansaydıq, ssenari fərqli alınacaqdı”.

Millimiz ikinci turda Slovakiyanın qonağı olacaq. Mustafazadə həmin oyunda nəyə ümid etdiklərini də bildirib:

“Slovakiyanın gücünü bilirik, çox yaxşı komandadır. Heyətində güclü futbolçular oynayır. İsveçlə matçdakı oyunumuzun üzərinə qoysaq, daha da artırsaq və qol epizodlarından yararlansaq, yaxşı olacaq. Slovakiyanın gücünü bilirik. Necə olacağını görəcəyik”.

• İspaniya millisində ciddi itki
• “Araz-Naxçıvan”ın məşqçisi: “Bu, komandanın piki deyil“
• Çempionlar Liqasında Azərbaycan dueli
• Elhad Nəziri: "Laynsman deyir ki, autdur, amma baş hakim rəqib komandanın lehinə qərar verir"
• Aleksey İsayev: “Qarabağ”a keçən hər bir futbolçu irəli addım atır”