Azərbaycanın kişi boksçulardan ibarət U-23 millisi Türkiyəyə yollanıb.

Apasport.az xəbər verir ki, komanda noyabrın 17-dək təlim-məşq toplanışında olacaq.

Kastamonuda məşqçilər Yadigar Məmmədovla Elvin Məmişzadənin rəhbərliyi altında Sübhan Mamedov, Bilalhəbaşi Nəzərov (hər ikisi 50 kq), Amin Məmmədzadə (55 kq), Tağı Nəsibov (60 kq), Əli Abdullayev (65 kq), Nicat Əlirzayev (70 kq), Fərhad Şeydayev (75 kq) və Səbuhi Əlizadə (+90 kq) hazırlıq keçəcəklər.

Türkiyə millisi ilə birgə təşkil olunacaq növbəti toplanış U-23 Avropa çempionatına hazırlıq xarakteri daşıyır. Kastamonuda sınaq döyüşləri də planlaşdırılır.

Qeyd edək ki, U-23 Avropa çempionatı noyabrın 23-29-da Macarıstanın paytaxtı Budapeştdə təşkil olunacaq.

• "Fənərbaxça" "Fatih Karagümrük"lə bərabərə qalıb
• PSJ-nin yarımmüdafiəçisi: "Liverpul"dan daha güclüyük"
• Cüdoçularımızın "Böyük Dəbilqə" turnirindəki ilk rəqibləri müəyyənləşib
• İdmançımız Avropa birinciliyində 1 qızıl və 1 gümüş medal qazanıb
• Millinin baş məşqçisi: "Sona qədər eyni ruh yüksəkliyi ilə çıxış etdik"