"Qalatasaray"ın hücumçusu Viktor Osimhen 2026 Dünya Çempionatının Afrika zonası pley-off finalında Nigeriya yığmasının heyətində Demokratik Konqoya qarşı meydana çıxıb.

Apasport.az xəbər verir ki, görüşün ikinci hissəsində zədə səbəbindən oyundan çıxan 25 yaşlı forvardın vəziyyəti “sarı-qırmızılılar”ın narahatlığına səbəb olub.

Matçdan sonra Nigeriyanın baş məşqçisi Erik Çelle futbolçunun zədəsi ilə bağlı açıqlama verib:

“Osimhen fasilədə ayağının arxa tərəfində ağrı hiss etdiyini dedi. Risk etməmək üçün onu oyundan çıxardıq". 

"Qalatasaray"lı ulduzun durumuna yaxın günlərdə aparılacaq tibbi testlərdən sonra tam şəkildə aydınlıq gələcək.

Qeyd edək ki, Nigeriya penaltilərdə Demokratik Konqoya 3:4 hesabı ilə məğlub olaraq mundial şansını itirib.

• Futbolda 5 fevral təsadüfü: Bu tarixdə doğulanlar ulduz olurlar
• "Turan Tovuz"dan bəyanat: "Oyunun şəffaf keçiriləcəyinə dair şübhələrimiz var"
• "Fənərbaxça" - "Samsunspor" matçından sonra futbolçular arasında dava düşüb - VİDEO
• "Mançester Yunayted" Bundesliqa ulduzu uğrunda mübarizədə liderdir
• Elvin Məmmədov: "Çox çətin bir yükün altına girdiyimi yaxşı dərk edirəm"