"Yuventus"un amerikalı yarımmüdafiəçisi Ueston Makkenni tezliklə klubu ilə yeni müqavilə imzalamağa hazırlaşır.

Apasport.az xəbər verir ki, bu barədə insayder Nikolo Şira məlumat yayıb. 

Tərəflər əvvəlki idman direktoru - Kristiano Qiuntoli dövründə razılığa yaxın idilər, lakin klub sonradan danışıqları dayandırmışdı. 

Mənbənin sözlərinə görə, yeni baş direktor Damien Komolli sövdələşməni başa çatdırmağa hazırdır.

26 yaşlı futbolçu ilə 2028-ci ilə qədər müqavilə imzalanacaq. Onun maaşı ildə təxminən 3,3 milyon avro olacaq.

Makkenni ötən mövsüm Turin klubunun heyətində 44 oyunda 5 qol vurub və 4 məhsuldar ötürmə edib. Futbolçunun hazırkı müqaviləsi 2026-cı ildə başa çatacaq.

• Sabiq "Fənər"lilər Tedeskonun transfer siyahısında - Ferdi Kadıoğlu, Kim Min Je...
• Güləşçilərimiz Avropa çempionatında iştirak edəcəklər
• Çempionlar Liqasında həftənin oyunçusu müəyyənləşdi
• "Auqsburq" "Bavariya"nın 27 oyunluq məğlubiyyətsiz seriyasına son qoyub
• “İnter”ə ağır zərbə: Hakan Çalhanoğlu "Liverpul"la matçda zədələndi