Almaniya Bundesliqasında XII tur başa çatıb.

Apasport.az saytının məlumatına görə, liderlər qrupundakı komandalar aktivlərinə növbəti qələbəni yazdırıblar.

Son çempion “Bavariya” iddialılardan “Volfsburq”u sınağa çəkib. Bu oyuna kimi Bundesliqada məğlubiyyət üzü görməyən Oliver Qlasnerin yetirmələrinin uğurlu seriyası Münhen səfərində qırılıb. Robert Levandovskinin dublu “Bavariya”ya 3 xal qazandırıb.

Uduzmayan yeganə komanda olan “Bayer” isə “Köln”ün qonağı olub. Rəqibini darmadağın edən leverkuzenlilər zirvədəki mövqeyini qoruyub.

“Hoffenheym”la səfərdə qarşılaşan “Leypsiq” də turu itkisiz başa vurub.

Bu matça qədər qələbə üzü görməyən “Şalke” turnir cədvəlinin autsayderlərindən “Frayburq” önündə də çarəsiz qalıb.

Qeyd edək ki, XIII turun oyunları 18-20 dekabrda keçiriləcək.

Almaniya Bundesliqası
XII tur
16 dekabr
“Şalke” – “Frayburq” – 0:2
Sallai, 50, 68
“Arminiya” – “Auqsburq” – 0:1
Quveleu, 85
“Bavariya” – “Volfsburq” – 2:1
Levandovski, 45+1, 50 – Filipp, 5
“Köln” – “Bayer” – 0:4
Veiser, 8, Diabi, 10, Şik, 54, Virtz, 59
“Hoffenhaym” – “Leypsiq” – 0:1
Poulsen, 60

• “Arsenal”dan “Əl-Hilal”a - KLUB TARİXİNİN ƏN BAHALI SATIŞI
• Argentinada Messiyə xüsusi jest – Oyunlar 10-cu dəqiqədə dayandırılacaq
• Ançelotti "Real"ın düşərgəsini ziyarət etdi
• Bosniya futbolunda bir dövr başa çatır – Edin Cekonun son matçı
• Obameyanq hökumətin tənqidindən sonra millidən getdi – “Bu, son damla oldu”