İngiltərə “Lids”i mövsümün sonunda baş məşqçisini dəyişə bilər.

Apasport.az saytının məlumatına görə, Premyer Liqa təmsilçisinin Marselo Byelsa ilə müqaviləsi başa çatacaq.

Klub rəhbərliyi 66 yaşlı mütəxəssisin işindən razı olduğu üçün onu saxlamaq fikrindədir. Lakin argentinalı çalışdırıcı yeni anlaşma imzalamağa tələsmir.

Bu üzdən də “Lids” onu əvəzləyə biləcək məşqçi axtarışına başlayıb. Namizədlər siyahısında “Barselona”nın sabiq baş məşqçisi Ernesto Valverde, “Zalsburq”un əvvəlki çalışdırıcısı Cessi Marş, vaxtilə Byelsanın köməkçisi işləmiş “Haddersfild”in məşqçisi Karlos Karberan yer alıb.

Qeyd edək ki, 22 oyunda 23 xal toplayan “Lids” Premyer Liqanın turnir cədvəlində 15-ci pillədə qərarlaşıb.

• “Fənərbaxça” – “Lion” matçından sonra gərginlik - 6 nəfər saxlanılıb
• "Atletiko" açıqladı: ALVAREZ SATILMAYACAQ
• Qriliş “Siti”dən ayrılarsa, bu kluba gedəcək
• Zirkze “Yunayted”dən ayrılır?
• "Beşiktaş"dan "Yunion"a - RƏSMİ