“Bir neçə gündür mətbuatda haqqımda yazılan xəbərləri təəccüblə oxuyuram”.

Apasport.az saytının məlumatına görə, bunu “Sabah”ın müdafiəçisi Təmkin Xəlilzadə instaqram səhifəsindəki paylaşımında yazıb.

Azərbaycan millisinin futbolçusu mövsümün sonunda komandasını dəyişəcəyi ilə bağlı yayılan xəbərlərə münasibət bildirib. 28 yaşlı sol cinah oyunçusu məsələyə belə aydınlıq gətirib: “Hazırda “Sabah”la davam edən müqaviləm var. Bu səbəbdən hər hansı bir klubla danışmağım, müqavilə imzalamağım və anlaşmağım reallıqdan uzaqdır. İndiki halda yalnız üzvü olduğum klubun oyunlarına köklənmişəm”.

Buna baxmayaraq, Xəlilzadə yayda “Sabah”dan ayrılacağını istisna etməyib: “Təkliflərə gəlincə, mövsüm bitdikdən sonra götür-qoy edib qərar verəcəyəm və qərarımı sizə ilk olaraq mən xəbər edəcəyəm”.

Qeyd edək ki, Təmkinin “Neftçi” ilə anlaşdığı bildirilir. 
 

• Vitinya: “Jorje Jezuşun işi artıq nəticə verir”
• Leao Ronaldonun “7” nömrəsindən danışdı: “O, uşaqlıq kumirimdir”
• Edin Ceko Bosniya millisi ilə vidalaşır – Sarayevoda nəhəng “11” forması - FOTO
• MHK sədri Ferhat Gündoğdu və 6 şübhəli məhkəməyə göndərildi
• Ferhat Gündoğdu hakimi hədələyib: "Ya adam ol, ya da çıx get"