“Sabah”da koronavirusa yoluxan məşqçilər və futbolçu sağalıb.

Bu barədə apasport.az saytına Bakı klubunun mətbuat xidmətinin rəhbəri Elnur Həmidov məlumat verib.

Onun sözlərinə görə, noyabrın ayın sonlarında testi pozitiv çıxan 6 nəfər virusdan artıq qurtulub. Komandanın məşqçiləri Vitali Kovalyov, Ruslan Qafitulun, Artur Olenin, Aleksey Malaxov, Vitali Korneyev və gürcüstanlı futbolçusu Mixeil Erqemlidzenin son testi neqativ olub. Onlar həm Azərbaycan kubokunun 1/8 final mərhələsində, həm də Premyer Liqanın XIV turunda iş başında ola biləcəklər.

Qeyd edək ki, dekabrın 11-də ölkə kuboku çərçivəsində “Kəpəz”i qəbul edəcək “Sabah” Premyer Liqada birinci yarının “Səbail”lə (16 dekabr) son görüşünü səfərdə keçirəcək.
 

• Messi poker etdi, komandası qələbə qazandı
• Taliska “Samsunspor”la oyunu buraxacaq
• “Barselona”nın futbolçusu İtaliya klubunda
• Leao addım-addım “Qalatasaray”a -
• Morata ölkəsinə qayıtdı