Bakı. Elşən Məmmədov-APA-Sport. 2007-2008-ci illər Avropa kubokları mövsümü başa çatdıqdan sonra UEFA yekun əmsallar cədvəlini açıqlayıb. “APA-Sport” agentliyinin məlumatına görə, son üç mövsümdə ən zəif nəticə göstərən Azərbaycan mövsümü 42-ci pillədə başa vurub. Son yarış ilində ölkəmizi Çempionlar Liqasında “Xəzər-Lənkəran”, UEFA kubokunda isə “Neftçi” və İmişlinin “MKT-Araz” klubları təmsil edib. Onlar cəmi 2 xal toplaya bilib ki, nəticədə Azərbaycanın aktivinə cəmi 0,666 əmsal yazılıb. Halbuki 2005-2006 və 2006-2007-ci illər mövsümündə klublarımız bundan 2 dəfə artıq – 1,333 əmsal yığıb. Son 5 mövsümün yekunlarına əsasən, cəmi 3,832 əmsal yığan ölkəmiz 53 dövlətin yer aldığı cədvəldə Ermənistanı 2 pillə qabaqlayıb. Bununla yanaşı, həm 2008-2009, həm də 2009-2010-cu illər mövsümlərində Azərbaycanı 3 klubun təmsil edəcəyi məlum olub.

• "Liverpul" Avropa çempionunu istəyir
• “Ulduz Cup”a yekun vuruldu
• Almaniyalı məşqçi yol qəzasında vəfat edib
• "Trabzonspor" Portuqaliya klubunun iki futbolçusunu transfer edib
• "Qarabağ"ın rəqibi futbolçusunu Türkiyə klubuna icarəyə göndərib