Bakı. Kənan Həsənov - APA-Sport. 19 yaşadək futbolçulardan ibarət Azərbaycan milli komandası (U-19) Daşkənddə Özbəkistanla yoldaşlıq görüşü keçirib. “APA-Sport” agentliyinin məlumatına görə, Yaşar Vahabzadənin rəhbərlik etdiyi yığma komanda 0:2 hesabı ilə uduzub. Tərəflər arasında ikinci oyun sabah baş tutacaq. Bu qarşılaşmalar U-19 üçün Avropa çempionatının seçmə qrup mərhələsinə hazırlıq xarakteri daşıyır. Milli komandamız iyunun 2-də vətənə dönəcək.