Zenitsa şəhərində keçirilən matçda qələbə topunun müəllifi Stefo Nikoliç olub. Müdafiəçilərimizin səhvindən istifadə edən hücumçu qapıçı Rauf Mehdiyevlə təkbətək mübarizədən qalib ayrılıb. Səfərə 25 futbolçu ilə çıxan B.Foqts matçda 3 əvəzetməni də nəzərə alsaq, cəmi 14 oyunçunun xidmətindən yararlanıb.
Milli komandamız bu il ardıcıl ikinci dəfə 0:1 hesabı ilə uduzub. Martın 25-də Nazim Süleymanovun rəhbərliyi altında Litvaya səfərdə minimal hesabla yenilən əsas yığmamız makedoniyalı Qyoko Hacievskinin baş məşqçiliyi ilə fevralın 6-da Qazaxıstanla Türkiyədə qolsuz heç-heçə edib.
Qeyd edək ki, millimiz növbəti yoldaşlıq görüşünü iyunun 4-də səfərdə Andorra yığması ilə keçirəcək.