Bakı. Aqşin Əliyev - APA-Sport. 19 yaşadək futbolçulardan ibarət Azərbaycan yığması (U-19) Avropa çempionatının seçmə qrup mərhələsinə hazırlıq məqsədilə Özbəkistanla iki yoldaşlıq görüşündə qüvvəsini sınayıb. “APA-Sport” agentliyinin məlumatına görə, milli komandamız paytaxt Daşkənddə baş tutan oyunların heç birində qələbə qazana bilməyib. Yaşar Vahabzadənin rəhbərlik etdiyi kollektiv ilk matçda 0:2 hesabı ilə uduzub. Növbəti qarşılaşma isə qolsuz heç-heçə ilə nəticələnib. Yeniyetmə futbolçularımız bu gün vətənə qayıdırlar.