Bakı. Vüqar Xeyrullayev - APA-Sport. Bakının “Neftçi” klubunun prezidenti Əkbər Hacıyev komandanın bazasında futbolçularla görüşüb. “APA-Sport” agentliyinin məlumatına görə, tədbir zamanı klub rəhbərliyindəki dəyişikliklərə də toxunulub. Ə.Hacıyev yeni təsis olunan Azərbaycan Peşəkar Futbol Liqasına (APFL) prezident seçilən “Neftçi”nin sabiq vitse-prezidenti Ramin Musayevin yerinə bu posta təyin olunan İlqar Quluzadə, həmçinin əvvəllər onun tutduğu icraçı-direktor postuna gətirilən Mübariz Xudiyevi klub üzvlərinə təqdim edib. Ə.Hacıyev onların hər ikisini təbrik edəndən sonra APFL-ə prezident seçilmiş R.Musayevə yeni işində də uğurlar arzulayıb və xatirə hədiyyəsi təqdim edib.