Bakı. Mehman Süleymanov - APA-Sport. “Püşkatma haqda heç nə düşünmürəm. Çünki bizdən asılı olmayan məsələyə görə başımı ağrıtmaq mənasızdır”. Bunu “APA-Sport” agentliyinə açıqlamasında Azərbaycanı Çempionlar Liqasında (ÇL) təmsil edəcək Bakının “İnter” klubunun baş məşqçisi Valentin Xodukin deyib. Rəhbərlik etdiyi kollektivi bu mötəbər turnirə Türkiyədə hazırlaşdıran 69 yaşlı ukraynalı mütəxəssis təlim-məşq toplanışına diqqət yetirməyi daha vacib sayır: “Komandanın Çempionlar Liqasında göstərəcəyi nəticə əsasən heyətin komplektləşdirilməsindən və hazırlığın səviyyəsindən asılıdır. Biz də diqqəti buna yönəltmişik. Püşkə gəlincə, əlimizdən heç nə gəlmir. Torbadan kimin adını çıxaracaqlarsa, o da rəqibimiz olacaq. Hər halda, püşkdə rəqibi biz seçmirik, bizi seçirlər”. “İnter”in bolqarıstanlı prezidenti Georgi Nikolov ÇL-də mərhələ keçəcəkləri ilə bağlı nikbin danışıb. O, paytaxt klubunu turnirin ilkin mərhələsində mübarizə aparacaq heç bir rəqibdən zəif saymayıb: “Rəqiblərimizlə bərabər səviyyədə oynamaq gücündəyik. Kiminlə görüşəcəyimizin fərqi yoxdur. Onsuz da Çempionlar Liqasında zəif rəqib olmur”.

• “Qalatasaray” 36-cı pillədə, “Qarabağ” “Beşiktaş”ı qabaqlayır
• "İnter" onunla müqavilə yeniləyəcək
• Livakoviçdən unikal nailiyyət
• "Qarabağ"ın rəqibindən darmadağın - VİDEO
• “Mançester Yunayted” yeni baş məşqçi axtarır