Vüsal Əliyev: “Test normativlərini verməməyim zədəmlə bağlıdır”
02.07.2008 - 13:42
Vüsal Əliyev: “Test normativlərini verməməyim zədəmlə bağlıdır”
Bakı. Mehman Süleymanov - APA-Sport. Azərbaycanlı FİFA hakimi Vüsal Əliyev AFFA-nın hakimlər üçün təşkil etdiyi fiziki hazırlıqla bağlı test normativlərində iştirak etməyib. 37 yaşlı V.Əliyev “APA-Sport” agentliyinə açıqlamasında bunu zədə ilə bağlı olduğunu bildirib: “Mövsümün sonunda köhnə zədəm öz sözünü dedi. “Xəzər-Lənkəran” – “Olimpik” oyunda zədəmi təzələdim. Baldırımın damarında xəsarət aldım və bu, ciddi zədənin müalicəyə ehtiyacı vardı. Respublika İdman Tibb Mərkəzində iki aylıq müalicə kursu keçdim. Bugünkü müayinə vəziyyətimin qənaətbəxş olduğunu göstərdi. Artıq yavaş-yavaş məşqlərə başlaya bilərəm”.
0