Bakı. Vüqar Xeyrullayev - APA-Sport. Bakının “İnter” klubu daha bir bolqarıstanlı qapıçı ilə müqavilə bağlamaq istəyib. “APA-Sport” agentliyinin məlumatına görə, Çempionlar Liqasında çıxış edəcək bakılıların Radostin Stanevi transfer etmək istəyi baş tutmayıb. Vətənində Varnanın “Spartak”, Sofiyanın “Lokomotiv” və MOİK klublarında çıxış edən qapıçı Azərbaycan çempionun təklifindən imtina edib. Bolqarıstan mətbuatına müsahibə verən R.Stanev maliyyə tərəfdən çox ciddi olan təklifi geri çevirməsinin səbəbini də açıqlayıb. Rumıniyanın “Nasyonal”, Polşanın “Legiya” və Rusiyanın “Şinnik” klublarında legioner həyatı yaşayan təcrübəli qapıçının sözlərinə görə, “İnter”dən imtina etməsi Bolqarıstanda qalmaq istəyi ilə bağlı olub.