Bakı. Vüqar Xeyrullayev - APA-Sport. Azərbaycan milli komandasının futbolçusu Ruslan Zeynalov Ukraynanın “Krımteplitsa” klubunun heyətində növbəti matçını keçirib. “APA-Sport” agentliyinin məlumatına görə, 26 yaşlı yarımmüdafiəçinin komandası yeni mövsümə qələbə ilə başlayıb. Ukrayna çempionatının birinci dəstəsində keçirilən ilk turda “Volın”la qarşılaşan “Krımteplitsa” 2:0 hesabı ilə səfər qələbəsi qazanıb. 57-ci dəqiqədə komanda yoldaşını əvəzləyən R.Zeynalov 33 dəqiqə meydanda olub. Yarımmüdafiəçinin komandası ikinci turda da rəqib meydanında çıxış edəcək. “Krımteplitsa” iyulun 27-də Luqanskda mövsümə məğlubiyyətlə başlayan yerli “Kommunalnik”lə görüşəcək.

• Azərbaycanlı mütəxəssis Albaniya Super Liqasında çalışacaq
• "Barselona"nın ulduz futbolçusu karyerasını bitirib
• "Beşiktaş", "Fənərbaxça" və "Qalatasaray"ın Avropa matçlarının hakimləri açıqlanıb
• "O hakimi Həvəskarlar Liqasında da işləməyə qoymaram" - VİDEO
• Karazor Türkiyə millisini seçdi