Bakı. Mehman Süleymanov – APA-Sport. Ağdamın “Qarabağ” klubunun məşqçilər korpusunda dəyişiklik edilib. “APA-Sport” agentliyinin məlumatına görə, əyalət təmsilçisi bu ilin əvvəlində fiziki hazırlıq üzrə məşqçi kimi dəvət etdiyi türkiyəli Mehmet Akla yollarını ayırıb. Yeni məşqi-koordinator təyin edilən Sərhat Qalimane Egey Universitetinin İdman Akademiyasının futbol məşqçiliyi fakültəsini bitirib. 2002-ci ildən “Qalatasaray” uşaq futbol məktəbində məşqçiliyə başlayan S.Qalimane “Qarabağ”la müqavilə bağlayanadək bu klubda fəaliyyət göstərib. Artıq yeni klubunda işə başlayan 27 yaşlı məşqçi “Qarabağ”ı çalışdıran həmyerlisi Rasim Karanın dəvətini qəbul etdiyini bildirib: “Mənimlə əlaqə saxlayan Kara birgə çalışmaq istədiyini dedi. Təklifə etiraz etmədim. Azərbaycanda işləyə biləcəyim ağlımdan belə keçməzdi”.

• Cəlal oynamadı, komandası uduzdu - VİDEO
• "Fənərbaxça" azarkeşlərinin ahı tutdu: Ozan Tufan zədələndi
• III Liqa klubu yenidən rekord qırıb: Qarşılaşmanı 43 000 azarkeş izləyib
• Joze Mourinyodan bənzərsiz etiraz - VİDEO
• 15 dəqiqə dayanan Madrid derbisində qalib müəyyənləşmədi