Bakı. Kənan Həsənov - APA-Sport. Çempionlar Liqasının ikinci təsnifat mərhələsi çərçivəsində “Partizan”la heç-heçə (1:1) edən “İnter” klubunun hücumçusu Cavid Hüseynov oyundan öncə rəqibdən çəkindiklərini etiraf edib. “APA-Sport” agentliyinin məlumatına görə, 20 yaşlı futbolçu bu haqda görüşdən sonra jurnalistlərə verdiyi açıqlamada bildirib: “Birinci hissədə çox zəif çıxış etdik. Bu, həyəcanla bağlı idi. Çünki hamı “Partizan”ı çox tərifləyirdi. Biz də ilk 45 dəqiqədə qorxa-qorxa mübarizə aparırdıq”. C.Hüseynov Serbiyada daha yaxşı oynayaraq mərhələ keçəcəklərinə inandığını vurğulayıb: “İkinci hissədə rəqibdən aşkar üstün oynadıq. Serbləri məğlub edə bilərdik. Amma buna da şükür. Cavab matçında daha yaxşı oynayıb, mərhələ adlamağa çalışacağıq”.

• “Qalatasaray” 36-cı pillədə, “Qarabağ” “Beşiktaş”ı qabaqlayır
• "İnter" onunla müqavilə yeniləyəcək
• Livakoviçdən unikal nailiyyət
• "Qarabağ"ın rəqibindən darmadağın - VİDEO
• “Mançester Yunayted” yeni baş məşqçi axtarır