Reykyavik. Aqşin Əliyev – APA-Sport. “İslandiya futbolu deyəndə adamın ağlına öncə Eydur Qudyonssen gəlir. “Barselona“nın hücumçusu milli komandanın əsl lideridir”. Bu sözləri “APA-Sport” agentliyinə açıqlamasında Azərbaycan yığmasının yarımmüdafiəçisi Mahmud Qurbanov deyib. Onun bildirdiyinə görə, milli komandamızın İslandiya ilə yoldaşlıq görüşü ağır olacaq: “Çünki təyyarə ilə 7 saat uçmuşuq. Yol yorğunluğundan başqa, Bakı ilə Reykyavik arasındakı 5 saatlıq fərq mövcuddur. Bütün bunlar nəticəyə mənfi təsir göstərə bilər”. Bakı “İnter”ində çıxış edən M.Qurbanov Azərbaycan Premyer Liqasının son turunda oynamamasının səbəbini belə izah edib: “Baş məşqçimiz Valentin Xodukin yığmanın heyətində təlim-məşq toplanışında iştirak etdiyimi nəzərə alaraq, mənə istirahət verdi. Məhz bu səbəbdən “Standard”la qarşılaşmanı buraxmalı oldum”. Yığmanın hazırlıq səviyyəsindən razı qalan futbolçu səfərdə uğurlu nəticə qazanacaqlarınıa inandığını vurğulayıb.

• Livakoviçdən unikal nailiyyət
• "Qarabağ"ın rəqibindən darmadağın - VİDEO
• “Mançester Yunayted” yeni baş məşqçi axtarır
• Premyer Liqa klubu Virtzi istəyir
• “Tottenhem”in futbolçusu: "Layiqli qələbə qazandıq"