Bakı. Vüqar Xeyrullayev - APA-Sport. Azərbaycanın 17 yaşadək futbolçulardan ibarət milli komandası (U-17) Litvanın Palanqa şəhərində keçirilən beynəlxalq turnirdə ikinci yeri tutub. “APA-Sport” agentliyinin məlumatına görə, almaniyalı Bernard Lippertin yetirmələri finalda rusiyalı həmyaşıdları ilə qarşılaşıblar. Yığmamız 66-cı dəqiqədə qapısından buraxdığı yeganə qol nəticəsində məğlubiyyətlə üzləşib. Üçüncü yer uğrunda görüşdə isə Latviya komandası oyunsonrası penaltilər seriyası ilə Moldovanı üstələyib.
Qeyd edək ki, U-17 Palanqa turnirinin qrup mərhələsində Litva (1:0) və Belarusa (2:0) qalib gəlib, Latviya ilə heç-heçə (0:0) oynayıb. Bu yarış milli komandamız üçün Avropa çempionatının seçmə qrup mərhələsinə hazırlıq xarakteri daşıyıb.

• “Qalatasaray” 36-cı pillədə, “Qarabağ” “Beşiktaş”ı qabaqlayır
• "İnter" onunla müqavilə yeniləyəcək
• Livakoviçdən unikal nailiyyət
• "Qarabağ"ın rəqibindən darmadağın - VİDEO
• “Mançester Yunayted” yeni baş məşqçi axtarır