Bakı - APA-Sport. İstanbulun “Qalatasaray” klubunun baş məşqçisi Mixael Skibbenin həyat yoldaşı türkiyəlidir. “APA-Sport” agentliyinin Türkiyə mətbuatına istinadən məlumatına görə, Aylin Skibbe 43 yaşlı məşqçi ilə turizm şirkətində çalışarkən tanış olub: “Mixaellə tanışlığım fasilə dövründə Türkiyədən Almaniyaya yollanan klubların təlim-məşq toplanışlarını təşkil edən turizm şirkətində işlədiyim vaxtlara təsadüf edir. O, indi bizləri, yəni türkiyəliləri bizim özümüzdən də yaxşı tanıyır. Hər bir qərarı da özü verir. Məndən nəyisə soruşmasına ehtiyac qalmır. Mixael oyun zamanı çox gərgin nəzərə çarpır. Əslində, hər bir insan göründüyü kimi olmur”. A. Skibbe həyat yoldaşının “Qalatasaray”ın baş məşqçisi postuna təyin olunacağını öncədən hiss etdiklərini vurğulayıb: “Bunu ötən mövsüm “Qalatasaray”ın Almaniyanın “Bayer” klubu ilə görüşündə hiss etdik. Bütün ailəmiz “Mixael gələn il Türkiyədə çalışacaq” dedi. Sonradan bu, gerçəyə çevrildi”.

• “Qalatasaray” 36-cı pillədə, “Qarabağ” “Beşiktaş”ı qabaqlayır
• "İnter" onunla müqavilə yeniləyəcək
• Livakoviçdən unikal nailiyyət
• "Qarabağ"ın rəqibindən darmadağın - VİDEO
• “Mançester Yunayted” yeni baş məşqçi axtarır