Bakı - APA-Sport. Gürcüstan Futbol Federasiyasının rəhbərliyi bu ölkənin 21 yaşlılardan ibarət milli komandasının Avropa çempionatının seçmə qrup mərhələsi çərçivəsində sentyabrın 5-də Moskvada Rusiya yığması ilə keçirilməsi nəzərdə tutulan oyununun neytral meydana təyin olunmasını istəyir. “APA-Sport” agentliyinin məlumatına görə, Gürcüstan tərəfi bununla bağlı UEFA-ya müraciət edib. Ancaq qitənin ən ali futbol qurumunun rəsmisi qarşılaşmanın keçiriləcəyi yerin dəyişdirilməyəcəyini bildirib: “Rusiya - Gürcüstan matçının qabaqcadan planlaşdırıldığı kimi, sentyabrın 5-də Moskvada oynanılacağı gözlənilir”. UEFA görüşün neytral meydanda keçirilməsi barədə qərar verməsə, gürcüstanlılar Moskvaya getməyəcəklər.
Qeyd edək ki, Gürcüstan Futbol Federasiyası Rusiyanın Cənubi Osetiya və Abxaziyanın müstəqilliyini rəsmən tanımasından sonra UEFA-ya müraciət ünvanlayıb.

• “Qalatasaray” 36-cı pillədə, “Qarabağ” “Beşiktaş”ı qabaqlayır
• "İnter" onunla müqavilə yeniləyəcək
• Livakoviçdən unikal nailiyyət
• "Qarabağ"ın rəqibindən darmadağın - VİDEO
• “Mançester Yunayted” yeni baş məşqçi axtarır