Bakı. Vüqar Xeyrullayev - APA-Sport. Bakının “İnter” klubunun üzvü Vladimir Levin Azərbaycan milli komandasının heyətində ilk oyununu keçirib. “APA-Sport” agentliyinin məlumatına görə, Tehranda İran yığmasına mübarizə aparmış 24 yaşlı müdafiəçi debüt matçında 90 dəqiqə meydanda olub. V. Levin Azərbaycan yığmasının tarixinə 151-ci futbolçu kimi düşüb. O, cari ildə milli komandada debüt edən 5-ci futbolçuya çevrilib. Belə ki, Fabio Luis Ramim, Ruslan Əmircanov, Elnur Allahverdiyev və Cavid Hüseynov da ölkəmizin əsas komandasının formasını bu il geyiniblər. V. Levin yığmamızın şərəfini qoruyan 19-cu milliləşən legioner olub. Bundan başqa, o, Vladimir Poşexontsev, Aleksey Stukas və Aleksandr Çertoqanovdan sonra milli komandamıza cəlb edilən 4-cü ukraynalıdır.

• “Qalatasaray” 36-cı pillədə, “Qarabağ” “Beşiktaş”ı qabaqlayır
• "İnter" onunla müqavilə yeniləyəcək
• Livakoviçdən unikal nailiyyət
• "Qarabağ"ın rəqibindən darmadağın - VİDEO
• “Mançester Yunayted” yeni baş məşqçi axtarır