Bakı. Vüqar Xeyrullayev - APA-Sport. “Uels milli komandasında anlaşılmaz şeylər baş verir”. “APA-Sport” agentliyinin məlumatına görə, bu sözləri İngiltərənin “Vest Hem” klubunun baş məşqçisi Alan Kurbisli deyib. O, dünya çempionatının seçmə qrup mərhələsində sentyabrın 6-da Azərbaycanla qarşılaşacaq Uels yığmasının baş məşqçisi Con Toşakın seçiminin anlaşılmaz olduğunu bildirib: “Toşakın “Vest Hem”də oynayan Kreyq Bellami və Ceyms Kollinzi milli komandaya hansı məqsədlə çağırdığını başa düşmürəm. Axı o bizim klubda çıxış edən oyunçuların durumunu məndən yaxşı bilmir. Bellami zədəli olduğundan üç həftə heyətdən kənarda qalıb və yalnız bu yaxınlarda hazırlığa qatılıb. Kollinz isə təxminən 6 aydır eyni problem üzündən meydana çıxmır”.
Qeyd edək ki, Con Toşak artıq C. Kollinzi Uels yığmasından uzaqlaşdırıb.

• “Qalatasaray” 36-cı pillədə, “Qarabağ” “Beşiktaş”ı qabaqlayır
• "İnter" onunla müqavilə yeniləyəcək
• Livakoviçdən unikal nailiyyət
• "Qarabağ"ın rəqibindən darmadağın - VİDEO
• “Mançester Yunayted” yeni baş məşqçi axtarır