Bakı. Vüqar Xeyrullayev – APA-Sport. Azərbaycan Premyer Liqasının IV turunda keçiriləcək “Karvan” - “Standard” matçında meydan sahiblərinin baş məşqçisi Yunis Hüseynov yubiley qeyd edəcək. “APA-Sport” agentliyinin məlumatına görə, 43 yaşlı çalışdırıcı Yevlax komandasını 100-cü çempionat oyununa çıxaracaq. Y. Hüseynov 2004/05 mövsümündən indiyədək qısa fasilələrlə “Karvan”a rəhbərlik edib. Yevlaxlılar bu müddət ərzində onun başçılığı altında Premyer Liqada 53 qələbə qazanıb, 23 heç-heçə edib və 23 dəfə uduzub. Topların fərqi 162-79 olub. Maraqlıdır ki, Y. Hüseynov “Karvan”da yubiley matçını sabiq komandasına qarşı keçirəcək. O, hazırda Premyer Liqa klublarının baş məşqçiləri arasında çalışdırdığı klubda ən çox oyun keçirən məşqçidir.

• “Qalatasaray” 36-cı pillədə, “Qarabağ” “Beşiktaş”ı qabaqlayır
• "İnter" onunla müqavilə yeniləyəcək
• Livakoviçdən unikal nailiyyət
• "Qarabağ"ın rəqibindən darmadağın - VİDEO
• “Mançester Yunayted” yeni baş məşqçi axtarır